វិធីពិសោធន៍ឲ្យដឹងថាអង្ករដែលអ្នកទទួលទាន ជាអង្ករពិត ឬប្លាស្ទិក
- news.sabay.com.kh
- Nov 24, 2016
- 1 min read
ប្រទេសចិន គឺជាអ្នកផលិតអង្ករធំជាងគេបំផុត នៅលើពិភពលោក ដោយប្រមូលផលបាន ជាង២០០លានតោន ក្នុងមួយឆ្នាំ ហើយបាននាំចេញ ទៅទូទាំងពិភពលោក។ ប៉ុន្តែអ្នកទទួលទានគួរតែមានការប្រុងប្រយ័ត្ន មិនមែនត្រឹមតែបរិមាណថ្នាំសម្លាប់សត្វល្អិត ដែលបានប្រើប្រាស់ឡើយ តែត្រូវព្រួយបារម្ភ ចំពោះអង្ករប្លាស្ទិកផងដែរ។
ខាងក្រោមនេះ គឺជាវិធីសាស្ត្រសាមញ្ញ ចំនួន៣ ដែលអ្នកអាចធ្វើតេស្ត ដើម្បីដឹងថា អង្ករដែលអ្នកកំពុងទទួលទាន គឺជាអង្ករពិត ឬប្លាស្ទិក៖
ធ្វើតេស្តដោយប្រើទឹក
យកគ្រាប់អង្ករមួយស្លាបព្រាបាយ ដាក់ចូលទៅក្នុងទឹកត្រជាក់១កែវ។ ប្រសិនបើគ្រាប់អង្ករទាំងនោះ លិចចូលទៅបាតកែវ មានន័យថា វាគឺជាអង្ករពិត។ ផ្ទុយទៅវិញ ប្រសិនបើវាអណ្ដែត សូមអ្នកប្រុងប្រយ័ត្ន ព្រោះវាអាចជាអង្ករប្លាស្ទិក។
ធ្វើតេស្តដោយប្រើភ្លើង
យកគ្រាប់អង្ករមកដុត។ ប្រសិនបើវាឆេះអស់ ហើយធុំក្លិនដូចដុតប្លាស្ទិក សូមកុំទទួលទានវា។
ធ្វើតេស្តដោយប្រើត្បាល់ និងអង្រែ
នៅពេលដែលអ្នកប្រើត្បាល់ និងអង្រែ បុកកម្ទេចគ្រាប់អង្ករ វាគួរតែបែកទៅជាគ្រាប់ល្អិតៗ ពណ៌ស និង ហ្មត់ដូចម្សៅ ប៉ុន្តែប្រសិនបើវាជាអង្ករប្លាស្ទិក នោះអ្នកនឹងបានឃើញវា ចេញពណ៌លឿងខ្ចីជំនួសវិញ។
ធ្វើតេស្តដោយទុកចោល
ប្រសិនបើអ្នកចង់ដឹងកាន់តែច្បាស់ថា អង្កររបស់អ្នកពិត ឬប្លាស្ទិក អ្នកគ្រាន់តែយកអង្ករដែលចម្អិនរួច (បាយ) ដាក់ក្នុងប្រអប់បិទជិត រួចទុកចោលនៅកន្លែងក្ដៅល្មមជាការស្រេច។ រយៈពេល ២-៣ថ្ងៃក្រោយមក បាយដែលចម្អិនចេញពីអង្ករពិតនឹងផ្អូម។ ចំណែកឯបាយដែលចម្អិនចេញពីអង្ករប្លាស្ទិកនឹងមិនផ្អូមឡើយ៕
Comments