ផ្កាក្រចករាងចំណិតព្រះចន្ទ នៅលើក្រចកដៃ បង្ហាញអ្វីខ្លះពីអ្នក?
- news.sabay.com.kh
- Sep 6, 2016
- 1 min read
ពិនិត្យមើលក្រចកដៃ តើអ្នកឃើញផ្កាក្រចករាងចំណិតព្រះចន្ទ នៅលើក្រចកដៃអ្នកដែរឬទេ? ផ្កាក្រចករាងចំណិតព្រះច័ន្ទ ត្រូវបានគេហៅថា «Lunula» ឬជាភាសាឡាទីន មានន័យថា «ព្រះចន្ទតូច» ដែលវាបង្ហាញអត្ថន័យយ៉ាងច្រើនអំពីសុខភាពរបស់អ្នក។
នៅក្នុងឱសថបុរាណចិន Lunula ប្រៀបបានដូចជាឧបករណ៍ស្ទង់សុខភាពរបស់មនុស្សអីចឹង។ នៅពេលដែលសុខភាពរបស់អ្នកចុះអន់ថយ ផ្កាក្រចកនោះនឹងផ្លាស់ប្តូរ ឬ បាត់ខ្លួនទាំងអស់តែម្តង។ ផ្ទុយទៅវិញ ប្រសិនបើសុខភាពរបស់អ្នកល្អប្រសើរ វានឹងត្រលប់មករកភាពដើមវិញ។
បើយោងតាមក្រុមអ្នកជំនាញ បានឲ្យដឹងថា មានផ្កាក្រចករាងចំណិតព្រះច័ន្ទពណ៌ស ពី ៨ ទៅ ១០ នៅលើម្រាមដៃទាំងសងខាង មានន័យថា គ្រប់យ៉ាងមិនមានបញ្ហាឡើយចំពោះសុខភាពរបស់អ្នក។ ផ្កាក្រចកកាន់តែ ស សុខភាពអ្នកកាន់តែរឹងមាំ។
ផ្កាក្រចករាងចំណិតព្រះចន្ទធម្មតា
ប្រសិនបើអ្នកមានផ្កាក្រចករាងចំណិតព្រះចន្ទ កាន់តែតិច មានន័យថា អ្នកកំពុងខ្សោយថាមពល សុខភាពទូទៅ និងប្រព័ន្ធភាពស៊ាំ។ ប្រសិនបើអ្នកមានវាតែនៅលើម្រាមមេដៃ នោះមានន័យថា អ្នកខ្វះថាមពលរាងកាយ ហើយងាយនឹងឈឺទៀតផង។
មិនមានផ្កាក្រចករាងចំណិតព្រះចន្ទ
ការសិក្សាមួយបានបង្ហាញថា បើផ្កាក្រចករាងចំណិតព្រះចន្ទបាត់ចេញពីម្រាមដៃ នោះបង្ហាញថា អ្នកអាចមានជំងឺប្រព័ន្ធនានាជាច្រើន រួមមានដូចជា បញ្ហាក្រពេញទីរ៉ូអ៊ីត កង្វះជាតិដែក ខូចតម្រងនោមរ៉ាំរ៉ៃ ជំងឺបាក់ទឹកចិត្ត និងខ្វះវីតាមីន B១២ ជាដើម។ ដូច្នេះ អ្នកត្រូវទៅពិនិត្យមើលកម្រិតសារជាតិអ៊ីយ៉ូត និងវីតាមីន B១២ រួមទាំង មុខងារនៃក្រពេញទីរ៉ូអ៊ីត និង សម្ពាធឈាមរបស់អ្នកផងដែរ៕
Commentaires