អត្ថប្រយោជន៍ចំពោះសុខភាព ១០យ៉ាងដែលបានមកពីផ្លែល្ហុង
- mungkulkar.com
- Jul 13, 2015
- 1 min read
ផ្លែល្ហុងជាប្រភេទផ្លែឈើមួយប្រភេទដែលអ្នកទទួលទានមិនចេះធុំ។ ផ្លែល្ហុងមិនត្រឹមតែមានរសជាតិឆ្ងាញ់ប៉ុណ្ណោះទេ តែវាក៏បានផ្តល់អត្ថប្រយោជន៍ជាច្រើនដល់សុខភាពដែលអ្នកមិនធ្លាប់បានដឹង។ ដូច្នេះប្រសិនបើអ្នកមិនចូលចិត្តផ្លែល្ហុងទេ អ្នកត្រូវដឹងពីមូលហេតុល្អៗរបស់ផ្លែល្ហុងឲ្យបានច្រើន។ ខាងក្រោមនេះជាអត្ថប្រយោជន៏ ១០យ៉ាងចំពោះសុខភាពដែលបានពីផ្លែល្ហុង៖
១០. ជំនួយដល់សុខភាពស្បែក
ផ្លែល្ហុងត្រូវបានគេទទួលស្គាល់យ៉ាងទូលំទូលាយពីសមត្ថភាពរបស់វា ដែលអាចជួយរក្សាសុខភាពស្បែក និងសម្រស់។ ប៉ុន្តែផ្លែល្ហុងមិនត្រឹមតែអាចជំនួយដល់ស្បែករបស់អ្នកប៉ុណ្ណោះទេ។ ផ្លែល្ហុងក៏អាចប្រើដើម្បីការពារស្បែកពីការឆ្លងមេរោគ និងជួយព្យាបាលរបូសផងដែរ។ អត្ថប្រយោជន៏ទាំងនេះបានពីអង់ស៊ីមប្រូតេអូលីទិច និងឈីម៉ូប៉ាផេនដែលរកឃើញនៅក្នុងផ្លែល្ហុង។
៩. ជួយបង្កើនការលូតលាស់ជាលិការបស់រាងកាយ
ផ្លែល្ហុងមានប្រសិទ្ធិភាពបំផុតក្នុងការជួយបង្កើនការលូតលាស់ជាលិការបស់រាងកាយ និងជួសជុលជាលិកា នៅពេលត្រូវការបន្ថែមវីតាមីន A។ ដូចគ្នានេះដែរ វីតាមីនអាចជំនួយដល់សក់ និងស្បែក ព្រោះវាជាតម្រូវការចម្បងដើម្បីផលិតសេប៊ូម ដែលដើរតួនាទីជាអ្នកផ្តល់សំណើម។
៨. របបអាហារ
ដោយសារតែផ្លែល្ហុងសម្បូរទៅដោយជាតិសរសៃ និងជាតិទឹកខ្ពស់, វាជាជម្រើសអាហារដ៏ប្រសើរបំផុតសម្រាប់មនុស្ស ដែលត្រូវការជាតិសរសៃខ្ពស់ និងជាតិទឹកខ្ពស់ ដូចជាអ្នកកើតជំងឺទឹកនោមផ្អែម។ វាអាចជួយសម្រួលដល់ប្រព័ន្ធរំលាយអាហារ ព្រោះមានផ្ទុកនូវអង់ស៊ីមប៉ាផេន ដែលជួយការពារពីជំងឺទល់លាមក។
៧. កាត់បន្ថយជំងឺរលាករ៉ាំរ៉ៃ
សារធាតុចិញ្ចឹមរកឃើញនៅក្នុងផ្លែល្ហុងអាចជួយកាត់បន្ថយការរលាករ៉ាំរ៉ៃក្នុងរាងកាយ។ វាអាចជួយរក្សាចលនាសាច់ដុំ, បង្កើនការចងចាំ និងជួយឲ្យគេងលក់បានស្រួល។
៦. ការពារពីជំងឺឈឺសន្លាក់ដៃជើង
វីតាមីន C ដែលមានក្នុងផ្លែល្ហុងបានជួយកាត់បន្ថយអាការៈរលាករ៉ាំរ៉ៃ, ប្រសិទ្ធិភាពរបស់ផ្លែល្ហុងក៏អាចជួយការពារពីជំងឺឈឺសន្លាក់ដៃជើងផងដែរ។
៥. ការពារជំងឺងងឹតភ្នែក
នៅពេលដែលអ្នកចាស់ទៅ, សុខភាពភ្នែករបស់អ្នកនឹងចាប់ផ្តើមចុះខ្សោយ។ ជំងឺងងឹងភ្នែកនេះបណ្តាលមកពីបញ្ហាភាពចាស់។ សារធាតុប្រឆាំងនឹងអុកស៊ីតកម្មដែលរកឃើញនៅក្នុងផ្លែល្ហុងអាចជួយប្រឆាំងនឹងជំងឺងងឹតភ្នែក។
៤. ជួយឲ្យឆ្អឹងរឹងមាំ
ផ្លែល្ហុងមានផ្ទុកនូវវីតាមីន K ដែលជាប្រភេទវីតាមីនចាំបាច់ ក្នុងការជំនួយដល់សុខភាពឆ្អឹង ដោយបង្កើនសមត្ថភាពឆ្អឹងឲ្យស្រូបយកធាតុកាល់ស្យូមឲ្យបានច្រើន និងផ្លាស់ប្តូរសារធាតុប្រូតេអ៊ីននៅក្នុងឆ្អឹង។ កម្រិតនៃជាតិវីតាមីន K ទាបនៅក្នុងរាងកាយអាចធ្វើឲ្យឆ្អឹងងាយនឹងប្រេះ ឬបាក់ ហើយក៏អាចធ្វើឲ្យមានការឈឺចាប់នៅពេលបត់ជើងតូចផងដែរ។
៣. រក្សាប្រព័ន្ធភាពស៊ាំឲ្យកាន់តែរឹងមាំ
ប្រភពនៃវីតាមីន C ដែលមានក្នុងផ្លែល្ហុងអាចជួយប្រយុទ្ធប្រឆាំងនឹងជំងឺ។
២. កាត់បន្ថយបញ្ហាសរសៃឈាមបេះដូង
ដោយសារជំងឺបេះដូងពិបាកនឹងព្យាបាល ដូច្នេះយល់ល្អគួរមើលថែខ្លួនអ្នកឲ្យបានល្អ។ ផ្លែល្ហុងសម្បូរទៅដោយវីតាមីនចម្រុះជាច្រើន, ជាតិសរសៃ និងជាតិប៉ូតាស្យូមមានប្រសិទ្ធិភាពជួយរក្សាសុវត្ថិភាពបេះដូងពីបញ្ហាសរសៃឈាមបេះដូង ឬការពារពីការរីកចម្រើនរបស់ជំងឺ។
១. កាត់បន្ថយជំងឺហឺត និងប្រភេទនៃជំងឺមហារីក
ជាធម្មតា អាហារដែលមានពណ៌ទឹកក្រូចក៏សម្បូរទៅដោយសារធាតុបែតា-ការ៉ូតេអ៊ីនផងដែរ។ យោងតាមការសិក្សារបស់ជនជាតិជប៉ុនជាច្រើននាក់បានឲ្យដឹងថា មនុស្សភាគច្រើនមិនទាន់បានដឹងទេថា សារធាតុបែតា-ការ៉ូតេអ៊ីន នេះមានសក្តានុពលប្រឆាំងនឹងអុកស៊ីតកម្ម ដែលជួយបន្ថយភាពគ្រោះថ្នាក់នៃជំងឺហឺត និងជួយការពារពីជំងឺមហារីកពោះវៀនធំ។ យោងតាមក្រសួងសុខភាពសាធារណៈហាវ៉ត (Harvard) បានចេញផ្សាយការសិក្សាមួយ ដែលបានរកឃើញថា ផ្លែល្ហុងដើរតួនាទីយ៉ាងសំខាន់ក្នុងការពារក្មេងប្រុសប្រឆាំងនឹងជំងឺមហារីកក្រពេញប្រូស្តាត៕
Comments