វិធីងាយៗដើម្បីបង្កើតអារម្មណ៍រីករាយ កាត់ស្ត្រេស នៅកន្លែងធ្វើការ
- news.sabay.com.kh
- Jun 29, 2015
- 1 min read
ភាពធុញថប់ តប់ប្រមល់ គឺជាបញ្ហាដែលអ្នកធ្វើការគ្រប់គ្នាចៀសមិនផុត គ្រាន់តែខ្លះតិច ខ្លះច្រើន។ គន្លឹះខ្លះៗខាងក្រោមនេះ មិនត្រឹមតែធ្វើអាចជំរុញទឹកចិត្តរបស់អ្នកក្នុងការបំពេញការងារប៉ុណ្ណោះទេ ប៉ុន្តែក៏អាចជួយឲ្យការងាររបស់អ្នកកាន់តែរលូនផងដែរ៖
១. ស្ដាប់ចម្រៀងលំហែអារម្មណ៍៖
ពេលកំពុងធ្វើការគួរឆ្លៀតពេលបន្តិចបន្តួចស្ដាប់បទចម្រៀង។ តាមការសិក្សាបែបវិទ្យាសាស្ត្របង្ហាញថា តន្ត្រីអាចជួយឲ្យអារម្មណ៍អ្នកមូល និងអាចជួយរំសាយអារម្មណ៍តានតឹងបាន។ អ្នកអាចស្ដាប់ចម្រៀងចង្វាក់ណាក៏បានតាមចូលចិត្ត ប៉ុន្តែតន្ត្រីដែលមានចង្វាក់ភ្លេងយឺតៗ គឺមានប្រសិទ្ធភាពល្អបំផុតសម្រាប់អ្នកធ្វើការ។
២. ឆ្លៀតញ៉ាំតិចៗ៖
អ្នកអាចជ្រើសចំណីងាយៗ ដូចជានំកញ្ចប់ ឬសណ្ដែកដី ដើម្បីញ៉ាំកំដរមាត់ពេលកំពុងបំពេញការងារ។ ប៉ុន្តែហាមញ៉ាំច្រើនពេក ព្រោះវាអាចធ្វើឲ្យអ្នកងងុយគេង លែងមានអារម្មណ៍ជាមួយការងារ។
៣. ឆ្លៀតនិយាយលេងពីរបីម៉ាត់៖
ពេលខ្លះការងារធ្វើឲ្យអ្នករវល់ ទាល់តែរកពេលហើបមាត់និយាយមិនបាន។ ទោះយ៉ាងណាបើអ្នកមានអារម្មណ៍ថាហត់ អ្នកគួរនិយាយលេងសើចពីរបីម៉ាត់ជាមួយមិត្តរួមការងារ នោះអ្នកនឹងមានអារម្មណ៍ថាមានថាមពលឡើងវិញ។ អ្នកអាចនិយាយពីរឿងសាមញ្ញៗដូចជា “ធ្វើការងារចប់ឬនៅ?” , “ធ្លាប់ឮពីរឿងថ្មីមួយនេះអត់?” , ឬក៏ “ពេលណា iPhone ចេញស៊េរីថ្មី?” ។
Commenti