ស្ដាប់ចម្រៀងមានប្រយោជន៍ ច្រើនហួសការស្មាន
- news.sabay.com.kh
- Jun 11, 2015
- 1 min read
មនុស្សជាច្រើនចូលចិត្តស្ដាប់ចម្រៀងដើម្បីលំហែអារម្មណ៍នៅពេលទំនេរ និងដើម្បីបំបាត់អារម្មណ៍ស្ដ្រេស។ ប៉ុន្តែធាតុពិតទៅ ការស្ដាប់ចម្រៀង នៅមានប្រយោជន៍ជាច្រើនទៀត ហួសពីការស្មានរបស់ប្រិយមិត្ត។ អត្ថប្រយោជន៍ទាំងនោះ មានដូចខាងក្រោម៖
បំបាត់ភាពតានតឹង
ការស្ដាប់ចម្រៀងដែលអមដោយអក្សរបទចម្រៀង ហើយច្រៀងតាម ធ្វើឲ្យអារម្មណ៍តានតឹងមួយចំនួនបាត់រសាយពីចិត្ត។
បង្កើនភាពស្វាហាប់
ការស្ដាប់ចម្រៀងក៏អាចជួយបង្កើនភាពស្វាហាប់ដែរ ឧទាហរណ៍បើអ្នកនៅក្នុងកន្លែងហាត់ប្រាណ ហើយស្ដាប់បទចម្រៀងនោះ គឺជួយឲ្យអ្នកមានភាពរហ័សរហួនជាងពេលមិនស្ដាប់។
ជួយលើកទឹកចិត្ត
ការស្ដាប់បទចម្រៀងណាដែលជួយជំរុញទឹកចិត្តអ្នក ធ្វើឲ្យអ្នកមានអារម្មណ៍ជម្នះរាល់បញ្ហាឧបសគ្គកើតមាន និងការប្រកួតប្រជែង។
បង្កើតភាពរីករាយ
ពេលខ្លះ មានអារម្មណ៍ពិបាកចិត្ត ស្ដាប់បទចម្រៀងអាចជួយឲ្យមានអារម្មណ៍រីករាយឡើងវិញ។ ស្ដាប់បទចម្រៀងដែលសប្បាយ និងធ្វើឲ្យមានអារម្មណ៍ធូរស្រាល។
បង្កើនផលិតភាពធ្វើការ
ស្ដាប់បទចម្រៀងជួយបង្កើនផលិតភាពការងារផ្សេងៗ ដូចជាកិច្ចការផ្ទះជាដើម។ នៅពេលលឺបទចម្រៀង គឺធ្វើឲ្យអ្នកស្វាហាប់ក្នុងការធ្វើកិច្ចការ៕
Comments