ចង់បំបាត់ការឈឺក្បាល ដោយមិនប្រើថ្នាំដែរឬទេ?
- health.com.kh
- Jun 3, 2015
- 1 min read
មិនខ្វល់ថាអ្នក ត្រូវបានណែនាំឱ្យប្រើ ថ្នាំគ្មានវេជ្ជបញ្ជា ឬមានវេជ្ជបញ្ជានោះទេ យកល្អ អ្នកគួរតែដឹងពីរបៀបព្យាបាល ការឈឺក្បាល ដោយមិនបាច់ប្រើថ្នាំវិញ។ មានរបៀបព្យាបាលដោយខ្លួនឯង និងតាមធម្មជាតិច្រើនណាស់ ដែលអាចបំបាត់អាការៈឈឺក្បាលបាន។
ផឹកទឹកឱ្យបានច្រើន ការខ្សោះជាតិទឹក ច្រើនតែអាចបណ្តាលឱ្យឈឺក្បាល។ នេះដោយសារតែកង្វះជាតិទឹក នាំឱ្យថយចុះអុកស៊ីសែន និងឈាមហូរទៅក្នុងខួរក្បាល។ កាលណាអ្នកមានអារម្មណ៍ឈឺក្បាលហើយនោះ ចូរព្យាយាមផឹកទឹកត្រជាក់មួយកែវភ្លាម។ បើសិនជាការឈឺក្បាលនោះ បណ្តាលមកពីការខ្សោះជាតិទឹក ការទទួលទានទឹក អាចបំបាត់ ឬព្យាបាលវាបានយូរដែរ។ • អ្នកគួរតែទទួលទានទឹក ៨ កែវក្នុងមួយថ្ងៃ ដើម្បីបង្ការការខ្សោះជាតិទឹក • ការទទួលទានទឹក គឺជារឿងសំខាន់ណាស់ ក្រោយពីផឹកគ្រឿងស្រវឹងរួច ព្រោះគ្រឿងស្រវឹង ជាអ្នកធ្វើឱ្យខ្សោះជាតិទឹក និងឈឺក្បាល។
ប្រើប្រាស់ប្រេងឡាវ៉ែនដឺ សមាសធាតុធ្វើឱ្យបន្ធូរអារម្មណ៍ របស់ផលិតផលធ្វើចេញពីផ្កាឡាវ៉ែនដឺ គឺមានភាពល្បីល្បាញណាស់ ប៉ុន្តែ តើអ្នកមានដឹងទេថា ប្រេងផ្កាឡាវ៉ែនដឺ ក៏មានប្រសិទ្ធភាពខ្លាំង ក្នុងការព្យាបាលអាការៈឈឺក្បាលដែរទេ? អ្នកគ្រាន់តែយកទឹកក្តៅមួយចាន ហើយបន្តក់ប្រេងផ្កាឡាវ៉ែនដឺពីរបីដំណក់ចូល ហើយឱនក្បាលចូលទៅក្នុងទឹកក្តៅនោះ រួចងើបវិញ ហើយយកកន្សែង ជូតក្បាលឱ្យស្ងួត។ ចូរដកដង្ហើមជ្រៅៗដើម្បីស្រូបយកចំហាយនៃក្លិនផ្កាឡាវ៉ែនដឺ។ • អ្នកក៏អាចប្រើប្រេងនេះ ដើម្បីលាបនៅខាងក្រៅបានដែរ ដូចជាការប្រើ ដើម្បីម៉ាស្សាលើសៀតថ្កា រយៈពេលពីរបីនាទី ខណៈពេលដកដង្ហើមជ្រៅៗ។ • ចូរចាំថា អ្នកមិនត្រូវលេបប្រេងនេះឡើយ។
ញ៉ាំផ្លែប៉ោម ផ្លែប៉ោម អាចជួយបន្ថយអាការៈឈឺក្បាលបាន ព្រោះវាអាចផ្តល់តុល្យភាព នៃកម្រិតអាល់កាឡាំង និងអាស៊ីតក្នុងរាងកាយបាន។ ចូរព្យាយាមញ៉ាំផ្លែប៉ោមទាំងសម្បក ឱ្យបានលឿនបំផុត នៅពេលអ្នកមានអារម្មណ៍ថា ចាប់ផ្តើមឈឺក្បាល៕
Kommentare