ប្រភេទអាហារដែលល្អបំផុត សម្រាប់កម្ចាត់ភាពជ្រីវជ្រួញនៅលើផ្ទៃមុខ
- mungkulkar.com
- Jun 2, 2015
- 1 min read
សញ្ញាដំបូងដែលបង្ហាញថាអ្នកកាន់តែចាស់គឺ ភាពជ្រីវជ្រួញ។ ទោះបីជាយ៉ាងណាក៏ដោយ ភាពជ្រីវជ្រួញក៏អាចបណ្តាលមកពីស្បែកស្ងួត, ស្បែកទទួលរងផលប៉ះពាល់នឹងកម្តៅព្រះអាទិត្យ…។ ភាពជ្រីវជ្រួញបានបំផ្លាញសាច់, ភាពទាក់ទាញ និងធ្វើឲ្យផ្ទៃមុខស្ងួត ហើយចាស់។
វិធីបំបាត់ភាពជ្រីវជ្រួញផ្សេងៗអាចមាននៅតាមហាងកែសម្ពស្ស ដូច្នេះមនុស្សស្រីជាច្រើនតែងតែចំណោយប្រាក់ជាច្រើន ដើម្បីកែសម្ផស្សរបស់ពួកគេឲ្យមានភាពទាក់ទាញឡើងវិញ។ ប៉ុន្តែឥលូវនេះ អ្នកមិនចាំបាច់ត្រូវចំណាយប្រាក់ដែលអ្នកខំប្រឹងរកទៅលើហាងថ្លៃៗនោះទេ អ្នកអាចប្រើវិធីព្យាបាលនៅផ្ទះដោយខ្លួនឯងបាន។
អ្នកអាចបំបាច់ភាពជ្រីវជ្រួញបាន ដោយទទួលទានអាហារ។ អ្វីដែលយើងញ៉ាំ និងផឹកត្រូវតែជំនួយដល់ស្បែកជានិច្ច។ ដូច្នេះ ប្រសិនបើអ្នកទទួលទានអាហារទាំងអស់នេះ វានឹងជួយបំបាត់ភាពជ្រីវជ្រួញលើផ្ទៃមុខបាន។
ខាងក្រោមនេះជាប្រភេទអាហារមួយចំនួនដែលអាចជួយកាត់បន្ថយភាពជ្រីវជ្រួញលើស្បែក និងសញ្ញានៃភាពចាស់៖
ផ្លែប័រ
វាសម្បូរទៅដោយវីតាមីន E, B និងអាស៊ីតខ្លាញ់សំខាន់ៗដែលនឹងជួយផ្តល់សារធាតុចិញ្ចឹម និងផ្តល់សំណើមដល់ស្បែករបស់អ្នក។ វត្តមានរបស់វីតាមីនជាច្រើនដែលមានក្នុងផ្លែប័រអាចជួយធ្វើឲ្យស្បែកម៉ត់រលោង និងរក្សាភាពយឺតដល់ស្បែក។
ផ្លែបឺរី
ផ្លែបឺរីសម្បូរទៅដោយសារធាតុប្រឆាំងអុកស៊ីតកម្មដែលជួយការពារការខូចស្បែក។ វាធ្វើឲ្យស្បែករបស់អ្នកក្មេងខ្ចី ហើយទន់រលោង។ ការទទួលទានផ្លែបឺរីក៏អាចជួយការពារស្បែកប្រឆាំងនឹងជាតិពុលដែលបានពីបរិស្ថានផងដែរ។
ត្រីសាល់ម៉ុន (Salmon)
ត្រីដែលសម្បូរជាតិខ្លាញ់មានផ្ទុកនូវអាស៊ីតខ្លាញ់អូមេហ្គា ៣ ច្រើន ហើយត្រីសាល់ម៉ុននេះជាប្រភេទអាហារល្អបំផុតជួយការពារជាតិសំណើមដល់ស្បែក, ធ្វើឲ្យស្បែកម៉ដ្ឋរលោង និងស្រស់ថ្លា។ អាស៊ីតខ្លាញ់អូមេហ្គា ៣ ក៏ផ្តល់សំណើមដល់ស្បែក និងការពារស្បែកពីកម្តៅព្រះអាទិត្យដែលបណ្តាលឲ្យស្បែកជ្រីវជ្រួញទាំងវ័យក្មេង។
ទឹកឃ្មុំ
ទឹកឃ្មុំជាសារធាតុធម្មជាតិស្រូបយកជាតិសំណើមពីខ្យល់ ដូច្នេះនៅពេលយកទឹកឃ្មុំលាបលើស្បែក អាចជួយរក្សាសំណើមដល់ស្បែក, ផ្តល់ជាតិទឹក, ធ្វើឲ្យសាច់ស្រស់ថ្លា ហើយការពារស្បែកស្ងួតផងដែរ។ វាក៏អាចជួយសម្លាប់បាក់តេរីអាក្រក់ចេញពីលើស្បែកទៀតផង។ គួរតែប្រើទឹកឃ្មុំសុទ្ធ ព្រោះទឹកឃ្មុំសម្បូរទៅដោយសារធាតុប្រឆាំងនឹងអុកស៊ីតកម្ម ជួយឲ្យស្បែកភ្លឺថ្លា។
ទឹកដោះគោជូរ
វាសម្បូរទៅដោយសារធាតុប្រូបាយអូទិចដែលជួយការពារ និងផ្តល់សារធាតុចិញ្ចឹមដល់ស្បែក។ វាជួយរក្សាសុខភាពពោះវៀន, ជួយឲ្យស្បែកមានសុខភាពល្អ។ ទទួលទានទឹកដោះគោជូរដើម្បីកាត់បន្ថយភាពជ្រីវជ្រួញ និងស្នាមអ៊ុចៗនៅលើស្បែករបស់អ្នក។
គ្រាប់ផ្លែឈើ
គ្រាប់ផ្លែឈើសម្បូរទៅដោយវីតាមីន E ដែលអាចជួយប្រឆាំងនឹងការកើតមុន ព្រមទាំងត្រអក។ គ្រាប់ផ្លែឈើវាល់ណាត់ (walnut) និង pistachios មានផ្ទុកនូវបរិមាណវីតាមីន E គ្រប់គ្រាន់ និងសេលីល្យូម ដូច្នេះវាអាចប្រឆាំងនឹងភាពជ្រីវជ្រួញយ៉ាងមានប្រសិទ្ធិភាព។ គ្រាប់វាល់ណាត់ ជាប្រភពនៃអាស៊ីតខ្លាញ់ អូមេហ្គា-៣ ច្រើនជាងគេ, វានឹងជួយផ្តល់សារធាតុចិញ្ចឹម និងធ្វើឲ្យស្បែកទន់។
ផ្លែប៉េងប៉ោះ
ផ្លែប៉េងប៉ោះជួយបង្កើនចរាចរណ៍ឈាម ហើយអ្នកនឹងសង្កេតឃើញពីប្រសិទិ្ធភាពលើស្បែក បន្ទាប់ពីការទទួលទានប៉េងប៉ោះរយៈពេល ៦ សប្តាហ៍យ៉ាងទៀងទាត់។ ប៉េងប៉ោះសម្បូរទៅដោយវីតាមីន C ជួយឲ្យស្បែកស្រស់ថ្លា និងជួយដល់ការផលិតសរសៃទឹកប្រូតេអ៊ីន៕
Comentarios