ឱសថធម្មជាតិសម្រាប់ព្យាបាលជំងឺលើសឈាម
- Kruy Seng
- May 28, 2015
- 1 min read
សម្ពាធឈាមឡើងខ្ពស់មានន័យថា កម្លាំងនៃឈាមត្រូវបានបង្ខំបូមចេញពីបេះដូងបញ្ចូនទៅកាន់សសៃឈាមផ្សេងនៅពេញរាងកាយ។ អំឡុងពេលសម្ពាធឈាមឡើងខ្ពស់ ឈាមដែលបានបូមត្រូវការកំលាំងកាន់តែខ្លាំងដែលនាំឲ្យសសៃឈាមទទួលរងនូវការខូចខាត។
ជំងឺលើសឈាមអាចកើតមានឡើងដោយសារតែ ភាពធាត់, ទម្លាប់នៃការញ៉ាំអាហារមិនល្អ, ការជក់បារី, ផឹកស្រា, កង្វះលំហាត់ប្រាណ, បញ្ហាតម្រងនោម និងការទទួលទានជាតិប្រៃច្រើន។
ជំងឺមួយប្រភេទនេះ អ្នកអាចធ្វើការព្យាបាលនៅផ្ទះដោយខ្លួនឯងបានជំនួសឲ្យការទៅជួបវេជ្ជបណ្ឌិតនៅមន្ទីពេទ្យ។ ប៉ុន្តែប្រសិនបើមិនបានព្យាបាលទេ នាំឲ្យមានបញ្ហាដាច់សសៃឈាមខួរក្បាល, ការគាំងបេះដូង, ស្រវាំងភ្នែក, ខ្សោយតម្រងនោម។
ខាងក្រោមនេះគឺជាឱសថបុរាណមួយចំនួនដែលអាចជួយអ្នកឲ្យគេចផុតជំងឺលើសឈាមតាមបែបធម្មជាតិ៖
ផ្ការំយោល
ផ្ការំយោលត្រូវបានគេយកធ្វើជាឱសថសម្រាប់ព្យាបាលជំងឺសម្ពាធឈាមខ្ពស់អស់រយៈពេលជាច្រើនឆាំមកហើយ។ ប៉ុន្តែបច្ចុប្បន្ននេះទើបគេរកឃើញថា វាពិតជាមានសមត្ថភាពអស្ចារ្យមែន។
ទឹកដូង
ទឹកដូងអាចជួយឲ្យមុខងារសាច់ដុំក្នុងរាងកាយមានភាពល្អសើរឡើង និងសាច់ដុំបេះដូងមានភាពរឹងមាំអាចធ្វើនិយ័តកម្មលំហូរឈាមក្នុងអំឡុងពេលមានជំងឺលើសឈាម និងសម្ពាធឈាមឡើងខ្ពស់។
ផ្លែឪឡឹក
ផ្លែឪឡឹកមានសមាសធាតុសរីរាង្គមួយចំនួនដែលគេហៅថា citrulline ជាមួយនឹងសារធាតុសំខាន់ៗអាចជួយដល់ការបូមនៃបេះដូងរបស់អ្នក។ បង្កើតទម្លាប់នៃការបរិភោគឪឡឹកជាប្រចាំរៀងរាល់ព្រឹកនៅពេលពោះទទេ។ សូម្បីតែគ្រាប់របស់វាក៏អាចជួយបង្កើនការបូមឈាម, ធ្វើឲ្យប្រសើរឡើងនូវមុខងារតម្រងនោម និងកាត់បន្ថយសម្ពាធឈាមខ្ពស់ផងដែរ។
ចេក
ចេកមានប្រយោជន៍ខ្លាំងណាស់ក្នុងការកាត់បន្ថយសម្ពាធឈាមខ្ពស់។ ព្រោះវាសម្បូរទៅដោយជាតិប៉ូតាស្យូមដែលអាចកាត់បន្ថយការស្រូប និងផលប៉ះពាល់នៃជាតិសូដ្យូមក្នុងរាងកាយ។
ភ្លៅកង្កែប
ភ្លៅកង្កែប (Celery) គឺជាឱសថមួយប្រភេទដែលអាចជួយឲ្យយើងគេចផុតពីបញ្ហាសម្ពាធឈាមឡើងខ្ពស់។ វាអាចជួយសម្រួលដល់បេះដូង និងសសៃឈាមអារទែ ក៏ដូចជាកាត់បន្ថយអរម៉ូនស្ត្រេសដែលអាចប៉ះពាល់ដល់បេះដូង៕
留言