វិធីព្យាបាលដោយទឹក
- Mar 30, 2015
- 2 min read
នៅក្នុងបច្ចុប្បន្នកាលនេះ មានមនុស្សភាគច្រើននិយមផឹកទឹកដើម្បីធ្វើឲ្យខ្លួនមានសុខភាពបរិបូណ៍ ។
ជាការពិតណាស់ថា រូបរាងកាយយើងមានសុខភាពល្អប្រសើរទៅបាន អាស្រ័យលើការបរិភោគចំណីអាហារល្អឲ្យបានបរិបូណ៍ក្នុងបរិយាកាសបរិសុទ្ធគ្រប់គ្រាន់ ។ ក្រៅពីនេះត្រូវតែមានធាតុទឹកក្នុងខ្លួនឲ្យបានបរិបូណ៍ជាការចាំបាច់បំផុត ។ ដូច្នេះសរីរាង្គកាយរបស់យើងត្រូវតែមានជាតិទឹកស្ថិតនៅឲ្យបានចំនួន ២ភាគ៣ នៃទម្ងន់ខ្លួនរបស់យើងទាំងមូល ។ ហេតុនេះហើយបានជាគេពោលថា រូបរាងការយើងអាស្រ័យនៅជាមួយទឹកដោយភាគច្រើន ។
ធាតុទឹកនេះមានគុណភាពអាចសម្រួលសីតុណ្ហភាពឲ្យបានស្រួលជាធម្មតា និងញ៉ាំងឲ្យតម្រងនោមទាំងពីរមានដំណើរការទៅជាធម្មតា ព្រមទាំងយកធាតុថ្មីមកជំនួសធាតុចាស់ឲ្យបានល្អប្រពៃជានិច្ចនិរន្តរៀងទៅ ។
មានវេជ្ជបណ្ឌិតជាច្រើនបានទូន្មានអ្នកជម្ងឺជារឿយៗឲ្យឧស្សាហ៍ផឹកទឹកឲ្យបានច្រើនក្នុងមួយថ្ងៃៗ ។
ហេតុដូច្នេះហើយបានជាក្នុងបច្ចុប្បន្នកាលនេះ គេសន្មតធាតុទឹកជាជាតិមានតម្លៃខ្ពង់ខ្ពស់បំផុតផ្នែកវិជ្ជាពេទ្យជាទូទៅសម្រាប់ព្យាបាលរោគគ្រប់ប្រភេទ ។
តាមពិតគេបានដឹងការព្យាបាលរោគដោយសារទឹកជាយូរយារតាំងពីបូរាណកាលម្ល៉េះ ដូចជាអ្នកស្រុកទាំងឡាយមានជំនឿថាព្រះឥន្រ្ទ ព្រះព្រហ្ម ឬអ្នកតាបានប្រគល់ទឹកធម្មតាសោះឲ្យគេតាមសំណូមពរ ប៉ុន្តែវាប្រែទៅជាទឹកសក្តិសិទ្ធិអាចកម្ចាត់បង់នូវរោគព្យាធិបាន ។ ជំនឿនេះមានតាំងពីបរមបូរាណមកទល់ឥឡូវនេះ ។ ក្នុងកាលៈទេសៈសម័យនេះ វិជ្ជាពេទ្យក៏យកវិធីព្យាបាលរោគដោយទឹកនេះមកអនុវត្តដែរ ។
កាលពី៣ខែមុន មិត្តខ្ញុំម្នាក់បានធផ្ញើសៀវភៅមួយក្បាលមកឲ្យអ្នកនិពន្ធខ្ញុំស្តីអំពី “វិធីព្យាបាលរោគដោយការទទួលទានទឹក” ផ្សាយចេញពីមន្ទីរពេទ្យយោធា ។ ខ្ញុំបានចាប់ផ្តើមអនុវត្តតាមទ្រឹស្តីនោះអស់រយៈពេលមួយខែ ហើយទទួលបានលទ្ធផលល្អនឹកស្មានមិនដល់ ។ ខ្ញុំមានដំណេកលក់ស្រួលស្កប់ស្កល់ ភ្ញាក់ក្រោកឡើងជាមួយស្មារតីមាំមួន ស្រឡះមុខមាត់ ធូរស្រាលក្នុងខ្លួន ។ អាស្រ័យហេតុនេះ ខ្ញុំបានចម្លងវិធីនេះចែកជូនមិត្តភក្តិដទៃទៀតឲ្យយកទៅអនុវត្តតាម ហើយបានទទួលលទ្ធផលល្អដូចខ្ញុំដែរ ។
នៅពេលថ្មីៗនេះ គេឃើញមានកាសែតខ្លះចុះផ្សាយអត្ថបទស្តីអំពីរបៀបព្យាបាលរោគដោយការទទួលទានទឹកនេះដែរ ហើយបានទទួលការគាំទ្រនិងសេចក្តីសរសើរពីសំណាក់អ្នកអាននិងប្រជាជនជាច្រើន ។
វិធីព្យាបាលដោយសារការទទួលទានទឹកនេះ មិនបាច់ចំណាយប្រាក់កាសទេ អ្នកណាក៏អាចអនុវត្តបានដែរ ប៉ុន្តែពិបាករកអ្នកតស៊ូទ្រាំទ្រការអនុវត្តនេះឲ្យបានជាប់លាប់ ទៀងរហូតមិនអាក់ខាន ។
វិធីព្យាបាល៖
ពេលល្ងាចមុនចូលដំណេក ទុកពោះទទេ កុំបរិភោគអ្វីឲ្យសោះ ។ រៀលរាល់ព្រឹក ក្រោយក្រោកចាកពីដំណេក មុននឹងលុបលាងមុខសម្អាតខ្លួនប្រាណ ត្រូវផឹកទឹក ១លីត្រ២៥ គឺមានចំនួនប្រហែល ៤កែវធំ អស់តែប៉ុណ្ណឹង ។
ដោយសារមិនធ្លាប់ ក្រោយពេលទទួលទានទឹករួច គេហត់ ដកដង្ហើមញាប់ បត់ជើងតូចច្រើនដង ។ ចំពោះអ្នកដែលគ្មានជំនឿមាំទាំក្នុងការអនុវត្តតាមវិធីនេះ គេមិនអាចបដិបត្តិតាមបានឡើយ ។ ប៉ុន្តែអ្នកដែលអាចបដិបត្តិតាមបាន ទោះបីគេមានពេលតិចតួចមិនបានហាត់ប្រាណដូចគេឯងក៏ដោយ ក៏គេអាចទទួលលទ្ធផលយ៉ាងប្រសើរដែរ ។
មានសប្បុរសជនខ្លះបានចំណាយសោហ៊ុយបោះពុម្ពទ្រឹស្តីវិធីព្យាបាលរោគទឹកនោមផ្អែម រោគមហារីក ចែកជូនមិត្តភក្តិអាន ធ្វើឲ្យអ្នកទទួលត្រេកអរ និងអរគុណយ៉ាងក្រៃលែង ។ នេះជាទានមួយយ៉ាងល្អប្រពៃប្រកបដោយមេត្តាធម៌ដ៏ឧត្តុង្គឧត្តម ។ ឯចំណែកខ្ញុំក៏ស្ម័គ្រចិត្តសរសេរអត្ថបទស្តីអំពីវិធីព្យាបាលរោគដោយសារការទទួលទានទឹកនេះ មកផ្សាយជួនមិត្តអ្នកអានជាទីមេត្រីដើម្បីយកទៅសាកល្បងថែទាំការពារខ្លួនប្រាណឲ្យមានសុខភាពល្អដ៏ប្រសើរជារៀងដរាបតទៅ ។
លទ្ធផលបានពីការព្យាបាល៖
ដោយសារការព្យាបាលហ្មត់ចត់ រោគទាំងឡាយខាងក្រោមនេះអាចជាសះស្បើយឬធូរស្រាលបាន៖
១. រោគឈឺក្បាល
២. រោគលើសឈាម
៣. រោគខ្វះឈាម
៤. រោគខ្យល់ចាប់
៥. រោគខ្យល់បណ្តាលឲ្យវៀចមាត់
៦. រោគសសៃវិញ្ញាណ
៧. រោគស្លាប់ដៃជើង
៨. រោគធាត់ដុះពោះ ខ្លាញ់ច្រើន
៩. រោគរោយចុកសសៃ ចុកឆ្អឹង
១០. រោគខ្សោយហ៊ឹងត្រចៀក
១១. រោគញ័របេះដូង
១២. រោគរសេះសោះដៃជើង
១៣. រោគក្អក
១៤. រោគហឺត
១៥. រោគរលាកសួត
១៦. រោគរបេង
១៧. រោគរលាកខួរក្បាល
១៨. រោគឈឺថ្លើម
១៩. រោគឈឺតម្រងនោម (Rein)
២០. រោគមានជាតិកំបោរថ្មក្នុងថ្លើម
២១. រោគជាតិជូរច្រើនក្នុងក្រពះ
២២. រោគស្រុតក្រពះ
២៣. រោគមួលធ្លាក់ឈាម
២៤. រោគធ្លាក់ក្រសាល់គូថ
២៥. រោគទល់លាមក
២៦. រោគឫសដូងបាត
២៧. រោគទឹកនោមផ្អែម
២៨. រោគទឹកនោមប្រៃ
២៩. រោគខ្សោយសសៃភ្នែក
៣០. រោគឈឺភ្នែក
៣១. រោគចេញឈាមក្នុងភ្នែក
៣២. រោគរដូវស្ត្រីមិនទៀងទាត់
៣៣. រោគមហារីកស្បូន
៣៤. រោគរាក់ស
៣៥. រោគមហារីកដោះ
៣៦. រោគរលាកច្រមុះ
៣៧. រោគឈឺបំពង់ក ។ល។
ដោយសារការទទួលទានទឹក គេអាចព្យាបាលរោគបានច្រើនណាស់ ។
តាមការពិតយើងស្មានមិនដល់សោះថា ទឹកអាចផ្តល់លទ្ធភាពដើម្បីកំចាត់រោគបានដូច្នេះសោះ ។ យើងអាចចោទសួរខ្លួនឯងថា ៖
- ហេតុដូចម្តេចបានជាទឹកព្យាបាលរោគបាន ?
- ពីព្រោះពោះវៀនយើងមានរោមតូចៗជាច្រើននៅក្នុងនោះ ហើយវាត្រូវការជាតិទឹកដើម្បីបង្កើតឈាមថ្មី ។
អ្នកខ្លះ ព្រោះតែពោះវៀនគ្មានសុខភាព ជាហេតុនាំឲ្យខ្វះឈាម គេមានទុក្ខលំបាកកាយ ឈឺច្រើន ហើយព្យាបាលមិនជា ក៏មានដែរ ។
នៅក្នុងខ្លួនមនុស្សគ្រប់វ័យ ពោះវៀនមានប្រវែង ៨ ម៉ែត្រ សម្រាប់ស្រូបយកជីវជាតិអាហារ ។ បើពោះវៀនស្អាតល្អគ្មានរោគ ចំណីអាហារដែលគេបរិភោគទៅ នឹងធ្វើឲ្យពោះវៀនដែលអាស្រ័យដោយរោមតូចៗ ស្រូបយកជីវជាតិនោះបានអស់ ហើយបង្កើតឈាមថ្មីសំរាប់ទ្រទ្រង់រាងកាយ ។ នេះជាគុណភាពដែលអាចផ្តល់សុខភាពយ៉ាងបរិបូណ៌ ។ ទទួលទានទឹកឲ្យបានត្រឹមត្រូវជាទម្លាប់មួយដ៏ប្រសើរ ព្យាបាលរោគបានច្រើនយ៉ាង មានសុខភាពល្អ ហើយកើនអាយុ ។
មានមហាវិទ្យាល័យជាច្រើនបានពិសោធ ហើយចេញផ្សាយឯកសារជាច្រើនស្តីអំពីលទ្ធផលជាសាក្សីនៃការអនុវត្តដូចមានរៀបរាប់ដោយត្រួសៗខាងក្រោមនេះ ៖
សាក្សីទី១- កាលពី២០ឆ្នាំមុន ខ្ញុំបានជួបព្រឹទ្ធាចារ្យម្នាក់មានសុខភាពល្អណាស់ ។ ខ្ញុំបានទៅគួរសមសួរសុខទុក្ខគាត់ថា៖
- ពីដើមមក តើលោកតាដែលមានជម្ងឺអ្វីមកបៀតបៀនឬទេ?
ព្រឹទ្ធាចារ្យនិយាយថា៖
- កាលពីគាត់អាយុ២១ឆ្នាំ គាត់កើតរោគឈឺក្រពះ មានមេរោគចូលទៅយាយីបណ្តាលឲ្យរលាក និងឈឺចាប់ជាពន់ពេក ។ គាត់ទ្រាំទ្រលំបាកអស់១០ឆ្នាំ បានឲ្យគ្រូពេទ្យ៥នាក់ព្យាបាល ដោយសារការចាក់ថ្នាំ និងលេបថ្នាំតាមវិទ្យាសាស្ត្រពេទ្យ ប៉ុន្តែមិនបានធូរស្រាលសោះ ។ ក្រោយមកមានវេជ្ជបណ្ឌិតម្នាក់ប្រាប់គាត់ថា ពេលក្រោកពីដំណេកភ្លាម មុននឹងលុបលាងមុខ ខ្ពុរមាត់ ទទួលទានទឹក៤កែវធំ កុំខានឲ្យសោះ គឺទទួលទានឲ្យបានទៀតទាត់ជានិច្ច ។ ហើយមុនចូលដំណេកយប់ កុំបរិភោគអ្វីឲ្យសោះ ទុកពោះទំនេរ ។ និយាយរួចតែប៉ុណ្ណោះ គ្រូពេទ្យនោះក៏ដើរចេញទៅ ឥតមានឲ្យថ្នាំអ្វីមកគាត់សោះ ។ គាត់ក៏ចាប់អនុវត្តតាមបញ្ជាពេទ្យឥតខ្ចោះ ។ បន្ទាប់ពីបានទទួលទានទឹក៤កែវធំមក បណ្តាលឲ្យគាត់បត់ជើងតូចយ៉ាងញាប់ ៣ដងក្នុងមួយម៉ោង ។ ក្រោយមកគាត់ចាប់បរិភោគបបរគោក ស្ទើរបាយស្ទើរបបរ ដែលមានសភាពទន់ ។ ចាប់ពីពេលនោះមក បបរនេះមានរសជាតិណាស់សំរាប់គាត់ ពីព្រោះជាង១០ឆ្នាំមកហើយ ដោយសារជម្ងឺក្រពះនេះ គាត់មិនដែលបានបរិភោគអ្វីឲ្យមានរសជាតិឆ្ងាញ់ពិសារដូចពេលនេះទេ ។ គាត់ក៏ចេះតែអនុវត្តជាប់រហូតតាំងពីពេលនោះមក ។ ពេលបត់ជើងធំម្តងៗ ពិសេសនៅពេលព្រឹកព្រលឹម គាត់សង្កេតឃើញមានឈាមកកចេញមកជាមួយលាមកផង ។ ៣ ខែក្រោយមក គាត់ឡើងទម្ងន់បាន១៦គីឡូ ។ សព្វថ្ងៃអាយុ៨១ ឆ្នាំហើយ គាត់មិនដែលមានជម្ងឺអ្វីមកបៀតបៀនទេ សូម្បីតែជម្ងឺផ្តាសាយក៏គ្មានផង ។
សាក្សីទី២- កាលខ្ញុំនៅពីក្មេង ខ្ញុំមានជម្ងឺ ។ គ្រូពេទ្យឲ្យខ្ញុំទទួលទានទឹក ។ មិនយូរប៉ុន្មាន រោគខ្ញុំក៏ជាសះស្បើយទៅ ។ កាលពី១០ឆ្នាំមុន ភរិយាខ្ញុំកើតរោគខ្សោយបេះដូង ។ គាត់មានមាឌធាត់ទម្ងន់១០០គីឡូ ដុះពោះស្អុយ ។ គាត់ប្រើថ្នាំលេប ថ្នាំចាក់ជារឿយៗ ប្រើម៉ាស៊ីនអគ្គសនីឲ្យគក់ច្របាច់ ចាប់សសៃ ចាក់ម្ជុលវិទ្យាសាស្ត្រ ព្រមទាំងអុជដោយប៉ុយទៀតផង ។ ប៉ុន្តែឥតបានទទួលលទ្ធផលអ្វីសោះ ។ ឥឡូវទទួលទានទឹកតែ១០ថ្ងៃ ជម្ងឺបេះដូងរបស់គាត់ក៏បានជា ការឈឺចុកចាប់ក៏បាត់អស់ ទម្ងន់ស្រកចុះអស់១៦គីឡូដោយមិនបាច់រកគ្រូពេទ្យដូចមុនឡើយ ។
សាក្សីទី៣- កាលពី៥ឆ្នាំមុន សាស្ត្រាចារ្យមួយចំនួននៃមហាវិទ្យាល័យក្នុងប្រទេសជប៉ុន បានអនុម័តជាឯកច្ឆ័ន្ទ ហើយបានចេញផ្សាយអត្ថបទមួយស្តីអំពីការបង្កើតឲ្យមានរោមតូចៗក្នុងពោះវៀន ។ អត្ថបទចេញផ្សាយចំនួនពីរលើក ហើយមកទល់នឹងពេលនេះ មិនឃើញមានអ្នកណាប្រឆាំងនឹងយោបល់នេះទេ ។ រឿងមួយទៀតដែលយើងត្រូវដឹង គឺទំនាក់ទំនងរវាងជីវជាតិអាហារដែលមានដំណើរដូចតទៅ៖
- ពីចំណីអាហារទៅក្រពះ ទៅពោះវៀនតូច ទៅពោះវៀនធំ ទៅជីវជាតិ ទៅជាតិរាវ ទៅទ្វារបាទនិងទៅលាមក ។
៤- ឯកសារនេះនិយាយអំពីរយៈពេលនៃការសះស្បើយ
- ឈឺក្រពះ ទទួលទានទឹក១អាទិត្យ អាចស្រួលវិញបាន
- ជម្ងឺលើសឈាម ១ខែ
- ជម្ងឺទល់លាមក ១ថ្ងៃ
- ក្រពះស្រុត ៣ថ្ងៃ
- ជម្ងឺរាគនៅពេលយប់ ច្រើនពេលអាធ្រាត្យ ១អាទិត្យ
- រុយម៉ាទិស ៖ ឈឺចុកឆ្អឹងឆ្អែង ៣ខែ
- លើសឈាមបណ្តាលជាខ្យលគ ៣ខែ ។ ១ថ្ងៃ ៣ដង ក្នុង១អាទិត្យ នឹងមានការធូរស្រាល ។ ជម្ងឺលើសឈាមអាចបណ្តាលឲ្យមនុស្សទៅជាពិការជាប់ជានិច្ច ប៉ុន្តែការព្យាបាលដោយទឹកអាចធ្វើឲ្យជម្ងឺលើសឈាមនេះជាវិញបាន ។
វិធានការការពារនិងការប្រើ៖
ជាការប្រសើរទឹកត្រូវដាំពុះ ទុកឲ្យត្រជាក់រួចសឹមទទួលទាន ។ ក្រៅពីទឹក អាចទទួលទានភេសជ្ជៈដទៃទៀតបាន ។ ប៉ុន្តែក្រោយបរិភោគបាយ២ម៉ោង មិនល្អនឹងទទួលទានទឹកថែមទៀតទេ ។ មុនដំណេកយប់ មិនត្រូវទទួលទានចំណីអាហារឬផ្លែឈើផ្សេងៗទេ ជាពិសេសចំពួកផ្លែប៉ោម ។ ក្រោយពីផឹកទឹកភ្លាម គប្បីហាត់ប្រាណឲ្យបែកញើសចំនួន២០នាទី ។ អ្នកជម្ងឺដែលមិនអាចកំរើកខ្លួនបាន គប្បីដកដង្ហើមវែងៗ មួយៗ ហើយយកដៃច្របាច់ត្រង់ចង្កេះឲ្យទឹកហូរចូលពោះវៀនបានសព្វ ជាហេតុឲ្យទឹកអាចលាងរោមនៅក្នុងពោះវៀនបានស្អាតល្អ ។
នៅពេលចាប់ផ្តើមផឹកទឹកជាដំបូង ជួនកាលវាបណ្តាលឲ្យចុះរាគ បត់ជើងតូចច្រើនដង ពីរ បីដងក្នុងមួយម៉ោង ។ ថ្ងៃក្រោយបន្ទាប់មក ក្នុងមួយម៉ោងបត់ជើងតូចត្រូវថយចុះមកតែម្តងទេ ។ ចាប់ពីពេលនោះទៅ យើងសម្គាល់ឃើញខ្លួនប្រាណយើងមានការធូរស្រាល ស្រួលខ្លួនមានកម្លាំងកំហែងបរិបូណ៌ បរិភោគអាហារមានរសជាតិឆ្ងាញ់ប្លែកពីពេលមុន ។ លក្ខណៈនេះហើយដែលយើងសន្មតថាជាភស្តុតាងមួយដែលអាចសំគាល់ថា ក្រពះនិងពោះវៀនមានដំណើរស្អាតស្អំល្អហើយ ។ ហេតុនេះ អ្នកជម្ងឺដែលអស់សង្ឃឹមអាចជាវិញបានដោយសារការព្យាបាលតាមធម្មជាតិនេះ ។
♣♣♣ ចប់ ♣♣♣
Comments